Зеленски и Трамп разговараа за потенцијално заедничко производство на дронови

Украинскиот претседател Володимир Зеленски денес изјави дека со американскиот претседател Доналд Трамп разговарал, меѓу другото, за купување американско оружје и системи за воздушна одбрана, како и за потенцијална соработка меѓу Киев и Вашингтон во производството на беспилотни летала.

Лидерите разговарале за „купување американски системи за воздушна одбрана што ќе ги заштитат нашите градови, нашите луѓе, цркви и инфраструктура“, а Зеленски истакна дека Украина е подготвена да ги поддржи американските производители на оружје, потенцијално со европска помош.

„Разговаравме и за потенцијалот за заедничко производство на беспилотни летала. Можеме да се зајакнеме еден со друг“, напиша  Зеленски на социјалната мрежа ИКС.

Тој рече дека го информирал Трамп за разговорите меѓу украинската и руската делегација во Истанбул, како и за размена на затвореници и тела на убиените, додавајќи дека разговарале и за постигнување вистински мир во Украина.

Share on Facebook

Tweet

Follow us

Save