Зеленски: Русија го нападна украинскиот енергетски сектор 76 пати во изминатата недела
Русија го нападна украинскиот енергетски сектор и нафтената и гасната индустрија десетици пати во текот на неделата откако американскиот претседател Доналд Трамп најави прекин на нападите врз енергетската инфраструктура, објави денеска украинскиот претседател Володимир Зеленски.
Откако американскиот претседател објави енергетско примирје пред една недела, Русија намерно го нападна украинскиот енергетски сектор и нафтената и гасната индустрија 76 пати, напиша Зеленски на социјалната мрежа Икс.
Тој наведе дека во последните напади биле погодени трафостаници во регионите Виница, Житомир, Хмелницки и Одеса.
Ниту Киев ниту Москва не го потврдија договорот за прекин на огнот објавен од Трамп. Тој пред една недела изјави дека Украина и Русија се согласиле за она што го нарече „енергетско примирје“. Во објава на социјалните мрежи, Трамп напиша дека енергетското примирје стапило на сила веднаш, но не го образложи тврдењето.
ПОВРЗАНИ ВЕСТИ
Клековски: Се усогласува законодавството за дроги со…
Министерството за здравство спроведува две клучни мерки…
Руски напади врз објект на „Нафтогас“ во…
Руските сили синоќа трипати нападнале објект на…
АЛТА банка денес изврши исплата на средства…
Денеска во филијалата на „АЛТА банка“ АД…
Хуманитарна катастрофа во Газа: Поројните дождови поплавија…
Поројните дождови поплавија десетици илјади шатори во…
Разбиена голема мрежа за даночни измами во…
Грчките власти разбиле голема мрежа за даночни…