Зошто не го направиме Уставот како бугарскиот да нема етнички заедници?

Мислев дека интенцијата е за следниве 3-4 месеци да се смени Уставот, како што беше со Преспанскиот договор, да се убедат шест пратеници. Сега толку недостасуваат и мислев дека до крајот на годината навистина би почнале преговори. Сега со овие сите рокови е реалистично дека ова ќе потрае две години интерното убедување дали ќе го воопшто ќе го смениме Уставот, вели политичкиот аналитичар Александар Кржаловски од МЦМС.

Во однос на тоа дали овој договор со Бугарија е реципрочен, Кржаловски вели дека многу повеќе има обврски македонската страна, отколку Бугарија.

-Министерот Османи го објаснува тоа дека не ни се исти уставите со Бугарија. Тогаш зошто не го направиме целиот Устав како бугарскиот, да нема етнички заедници? Но тогаш нема да им се допадне на дел од граѓаните. И Бугарија е мултикултурна, тоа е проблемот, нема држава која не е мултикултурна. Се сомневам дека и самиот министер би се согласил да не пишува Албанци. Или Бугарија да направи како нас во поглед на Уставот, посочува аналитичарот.

Share on Facebook

Tweet

Follow us

Save