Избегната трагедија како Пулс во Германија: 750 луѓе спасени во последен момент од пожар што уништи дискотека

Во германскиот град Кел избувна голем пожар кој целосно ја уништи дискотеката „Kiss-Club“ во раните утрински часови. Во моментот на пожарот, во објектот имало околу 750 посетители, објавија локалните медиуми.

И покрај брзото ширење на огнот, сите присутни успеале навреме да ја напуштат зградата. Некои од нив добиле медицинска помош поради шок и вдишување чад, но нема пријавени жртви.

Според пожарникарите, огнот бил забележан околу 3:45 часот наутро, најверојатно започнувајќи на покривната конструкција. Кога првите екипи пристигнале, објектот веќе бил целосно зафатен од пламен.

Полицијата и криминалистичките служби започнаа истрага за да го утврдат точниот причинител на пожарот. Засега не се исклучува ниту технички дефект ниту човечки фактор.

Иако дискотеката е целосно уништена, брзата реакција на персоналот и посетителите спречи трагедија од поголеми размери.

Share on Facebook

Tweet

Follow us

Save