Изгоре куќа во струмичко: Активни се неколку пожари во државава предизвикани од удар на горм

Од Центарот за управување со кризи јавуваат дека во 20:30 часот има неколку активни пожари и тоа:

Куманово-Стојан Арсов кај Кока гори сува трева, с.Проевце кај Ловечки дом гори Бор.

Пожарите се продизвикани од удар на гром. Кичево-с.Туин каде гори сува трева и нискостеблеста шума. Велес-помаѓу селата Голозинци и Лисиче, општина Чашка каде гори сува трева и нискостеблеста шума. Екипите се излезени на терен и интервенираат во нивното гаснење. Пожарот е предизвикан од удар од гром.

Во селото Костурино, Струмишко, денеска, изгоре куќа во пожар што избувнал околу 11 часот.

Според информациите од ТППЕ Струмица, нема повредени, а пожарникарите кога пристигнале пожарот бил во разгорена фаза и веднаш било пристапено кон негово гаснење со што било спречено ширење кон околните објекти.

Огнот бил изгаснат по скоро два часа, а во гасењето учествувале девет пожарникари и три противпожарни возила.

Причините за избувнувањето на пожарот ќе се испитуваат.

Share on Facebook

Tweet

Follow us

Save