Израел најави „напад без преседан“: Издадена е наредба за евакуација

Израелската армија (ИДФ) издаде ново предупредување до Палестинците во кое вели дека мора да ја напуштат целата област на градот Кан Јунис.

Според израелската армија, Палестинците мораат да ги напуштат своите домови во оваа област бидејќи, како што наведоа, израелската армија се подготвува за „напад без преседан“ на областа.

Наредбата за евакуација, која го вклучува целиот Кан Јунис, како и предградијата Бани Сухејла и Абасан, ја означува првата голема наредба за евакуација откако ИД започна проширена офанзива во Појасот Газа, при што израелските лидери предупредуваат дека имаат намера да ја освојат целата територија за да го уништат Хамас.

„ИД ќе изврши напад без преседан за да ги уништи капацитетите на Хамас во областа“, рече портпаролот на армијата, полковник Авичеј Адрае.

Тие исто така изјавија дека целата област Кан Јунис сега се смета за опасна борбена зона.

На цивилите, кои веројатно ги има неколку десетици илјади, им се советува да се движат на запад кон областа Маваси на брегот.

Share on Facebook

Tweet

Follow us

Save