Вкупно 22 наши државјани побарале помош за напуштање на Израел и враќање во Македонија

Вкупно 22 лица досега побарале асистенција за напуштање на територијата на Израел и враќање во Македонија. Станува збор за државјани на Северна Македонија, како и членови на нивните потесни семејства, информира Министерството за надворешни работи и надворешна трговија.

Оттаму додаваат дека во тек се активности за нивна скорешна евакуација и трансфер до безбедна локација, од каде што дополнително ќе се организира нивно враќање во земјата.

-Напоменуваме дека дипломатско-конзуларното претставништво во Тел Авив е во постојана комуникација со нашите државјани, а Министерството за надворешни работи и надворешна трговија активно работи на обезбедување на сите неопходни услови за нивно безбедно враќање, стои во соопштението на МНРиНТ.

Се интензивираат нападите меѓу Израел и Иран. Тел Авив удри по нафтените постројки во Техеран и Шахран, иранската војска возврати со ракетен напад врз научниот институт „Хаим Вајцман“. Жртви и стотици повредени на двете страни. Израелскиот премиер Бенјамин Нетанјаху одлучен да ги уништи сите позиции на режимот со цел терористите да не дојдат до нуклеарно оружје.

Share on Facebook

Tweet

Follow us

Save