Илон Маск сака да го купи Ливерпул и е подготвен да плати 7,2 милијарди евра?

Елон Маск наскоро би можел да додаде уште еден голем светски бренд. По Tesla, SpaceX и X (поранешен Twitter, наводно сака да влезе во светот на спортот и да го прошири влијанието во Велика Британија. Контроверзниот мултимилијардер наводно размислува да го купи Ливерпул за нешто повеќе од седум милијарди евра, а тоа го потврди и неговиот татко Ерол во интервју за „Радио Тајмс“.

Маск постариот првично одби да ја коментира гласината бидејќи тоа може да ја зголеми цената на клубот од „Енфилд“, но на инсистирање на домаќинот призна дека Илон навистина сака да го купи славниот фудбалски клуб и објасни зошто Ливерпул.

„Точно е дека Илон изрази желба да го купи Ливерпул, но тоа не значи дека тој всушност ќе го направи тоа. Дали тој сака да го направи тоа? Се разбира, кој не би сакал, а јас би сакал да го направам тоа.

Баба му е родена во тој град, таму имаме роднини, а Битлси пораснаа со некои од моето семејство“, објасни Ерол за мотивацијата на неговиот син, кој се поврзал со регионот кога татко му го однел во Ливерпул како момче.

Теоријата за интересот на Илон Маск за купување на Ливерпул ја лансираше „Weekend Sport“, според кој цената би била 7,2 милијарди евра, што е помалку од два отсто од вредноста на Маск, која се проценува на 400 милијарди евра.

Маск не би влегувал во Ливерпул само заради љубовта кон спортот, туку верува дека тоа би го зголемило неговото влијание и моќ во Обединетото Кралство, што е во прилог на неговите растечки политички аспирации откако стана близок соработник на Доналд Трамп.

Од 2010 година Ливерпул е во сопственост на „Фенвеј спортс груп“ од САД, кој тогаш за клубот од „Енфилд“ плати 300 милиони фунти. ФСГ, исто така, поседува и други спортски франшизи како што се тимот на Бостон Ред Сокс во МЛБ и хокејскиот тим Питсбург Пингвинс.

Share on Facebook

Tweet

Follow us

Save