Илјадници демонстранти во Сан Франциско бараат прекин на огнот во Газа пред средбата Бајден-Си Џипинг

Илјадници демонстранти излегоа на улиците на Сан Франциско, повикувајќи на прекин на огнот меѓу Хамас и Израел, додека градот се подготвува да биде домаќин на форумот на Азиско-пацифичката економска соработка (APEC). На самитот се очекува да присуствуваат и американскиот претседател Џо Бајден и кинескиот лидер Си Џинпинг.

Собирот се одржа во центарот на градот во вторникот вечерта, при што толпата извикуваше „Геноцидниот Џо, тој мора да си оди“, според локалните медиуми. На видеата објавени на социјалните мрежи, исто така, се гледа голема толпа, која извикува „Слободна Палестина“, како и „Од реката до морето“, политички слоган кој повикува на обединување на палестинските територии на сметка на Израел. Многу демонстранти беа видени како носат палестински знамиња и удираат во тапани.

Според Сан Франциско Стандард, некои говорници кои им се обратија на демонстрантите ги повикаа САД – клучниот поддржувач на Израел – да престанат да придонесуваат со милијарди долари во воена помош и наместо тоа да се фокусираат на борбата против сиромаштијата во Америка.

Во последните денови во Сан Франциско се одржаа неколку собири, кои сепак, беа посветени на поширока агенда, при што учесниците носеа плакати на кои пишуваше „Отфрли ги елитите што ја диктираат нашата иднина“ и „Затвори го АПЕК“.

Самитот на АПЕК, меѓународен форум кој вклучува 21 земја и сочинува околу 60 отсто од глобалниот БДП, беше отворен во саботата и треба да заврши во петок. Џо Бајден и Си Џинпинг веќе пристигнаа во Градот покрај заливот за да присуствуваат на форумот и да одржат долгоочекувани разговори на маргините на настанот.

Пред пристигнувањето на Си, аеродромот во Сан Франциско забележа серија демонстрации, при што стотици кинески државјани се судрија со контра-демонстрантите. Додека вториот табор се собра против наводната кинеска репресија врз етничките малцинства, луѓето од првиот рекоа дека сакаат да му посакаат добредојде на кинескиот лидер на самитот.

Share on Facebook

Tweet

Follow us

Save