Индискиот премиер Моди ја одби поканата на Трамп за средба во Вашингтон, и отпатува во Хрватска

Индискиот државен секретар за надворешни работи Викрам Мисри денеска изјави дека американскиот претседател Доналд Трамп го поканил индискиот премиер Нарендра Моди да ги посети САД по самитот на Г7 во Канада.

Сепак, како што пишува Тајмс оф Индија, Моди ја одбил поканата, наведувајќи ги претходните обврски.

„Трамп го праша премиерот Моди дали може да ги посети САД по враќањето од Канада; сепак, премиерот изрази неможност да го стори тоа поради претходните ангажмани“, рече Мисри.

По завршувањето на неговата посета на Канада, негова прва по десет години, премиерот Моди отпатува во Загреб , со што стана  првиот индиски премиер што доаѓа во официјална посета на  Хрватска

Иако Трамп предвреме го напушти самитот на Г7, тој и премиерот Моди одржале телефонски разговор на барање на Трамп, а тема на разговорите била актуелниот израелско-ирански судир и неодамнешните тензии меѓу Индија и Пакистан.

Share on Facebook

Tweet

Follow us

Save