Ким со пофалба до Путин: Донесовте добра одлука

Народот на Северна Кореја му изразува целосна поддршка и солидарност на рускиот народ, изјави денеска севернокорејскиот лидер Ким Џонг-ун, пренесуваат тамошните државни медиуми.

Ким Џонг-ун на својот руски колега му испратил честитка по повод рускиот национален празник и уште еднаш ја поддржа Русија откако започна агресијата врз Украина.

Во соопштението, објавено од севернокорејската новинска агенција КЦНА, не се споменува инвазијата на Украина или вмешаноста на Москва во вооружениот конфликт, но се пофалени „добрата одлука и лидерството на Владимир Путин да ги запре растечките закани на непријателските сили“.

„Ја поддржуваме Русија во светата и безмилосна борба за одржување на сопствениот суверенитет, развој и интереси на својата земја“, се вели во соопштението

Северна Кореја и Ким Џонг-ун во исто време ја осудија западната воена помош за Украина и уште еднаш ја негираа сопствената помош со ракети и проектили на руската паравоена група Вагнер.

Share on Facebook

Tweet

Follow us

Save