Кина ќе преземе конкретни чекори за крај на војната во Украина

Кина ќе преземе конкретни напори за изнаоѓање политичко решение за украинската криза, изјави специјалниот пратеник Ли Хуи.

„Кина отсекогаш се придржувала до објективен и праведен став по прашањето за Украина, се залагала за мир и разговори“, му ги пренесе министерството зборовите на Ли на рускиот министер за надворешни работи Сергеј Лавров.

Ли, специјален претставник на Кина за евроазиски прашања и поранешен амбасадор во Русија, одржа средби со Лавров и неговите заменици Андреј Руденко и Михаил Галузин.

Двете страни размениле мислења за кинеско-руските односи и политичкото решение на украинската криза и се согласиле дека неодамнешната посета на кинескиот претседател Си Џинпинг на Москва дополнително ја продлабочи меѓусебната политичка доверба, пишува кинеското министерство.

Посетата на Ли на Русија дојде на крајот од турнејата низ неколку земји. Пекинг соопшти дека неговата цел е да разговара за „политичко решение“ за ставање крај на конфликтот и како дел од неа се сретна со украинскиот претседател Володимир Зеленски.

-Кина отсекогаш ги следеше целите и принципите на Повелбата на ОН, се придржуваше до објективен и праведен став, активно се залагаше за мир и промовираше преговори, одлучуваше за сопствената позиција според суштината на самата работа и секогаш цврсто стоеше на страната на мирот и дијалогот – рече Ли.

Share on Facebook

Tweet

Follow us

Save