INFOMAX.MK

Градоначалникот на Киев, Виталиј Кличко, смета дека смената на Валериј Залужни од функцијата врховен командант на вооружените сили на Украина е голема грешка на Владимир Зеленски.

На 8 февруари Зеленски го објави назначувањето на Александар Сирски за врховен командант на вооружените сили на Украина наместо Залужни. Пред ова, Сирски командуваше со копнените сили на украинските вооружени сили. Голем број украински и западни медиуми пишуваа за можен конфликт меѓу Зеленски и Залужни уште во есента 2023 година. Новинарите на Вашингтон пост забележаа дека Залужни би можел да претставува закана за Зеленски доколку одлучи да започне политичка кариера.

„Неговото отстранување беше огромна грешка. Мораме да се обединиме околу луѓето кои имаат најголема поддршка, како што е Залужни, кој има највисок рејтинг на анкетите“, рече Кличко во интервју за италијанскиот весник „Република“.

Градоначалникот на Киев нагласи дека по смената на Залужни, Зеленски „морал да ја објасни причината за одлуката, која го шокираше секој Украинец“, „многумина почувствуваа збунетост и очај“.
Одговарајќи на гласините за негова можна оставка, Кличко, „по долг молк“, како што пренесува „Ла Република“, изјавил „потребата од единство на политичките сили и сите граѓани“. Во исто време, тој изјави дека „политичката борба продолжува“ и дека „некои политичари ги ставаат своите амбиции над државните интереси“.