КОБЕН БИЛ МОБИЛНИОТ ТЕЛЕФОН! Детали за несреќата кај Врање во која загина момче од Македонија

Во автомобилот имало повеќе лица кои биле во ресторан во Врање, а загинатиот е на возраст од 25 години.

Македонскиот државјанин, кој го загуби животот во сообраќајна несреќа што се случила вчера вечер во близина на Врање, е 25-годишно момче, кое со пријателите претходно било во ресторан во центарот на Врање, пишуваат српски медиуми.

Во возилото имало повеќе лица. На враќање се сетиле дека заборавиле еден мобилен телефон во кафеаната каде што ручале, па се обиделе да се вратат, но го згрешиле патот.

Обидувајќи се да се вратат назад, од непознати причини дошло до несреќата, во која нивното возило удрило во насип покрај патот. Во автомобилот имало неколку лица, од кои едно починало на самото место на несреќата, а друго е примено на лекување во Здравствениот дом во Врање, каде му е укажана медицинска помош.

Не е потврдено дали загинатото момче управувало со автомобилот.

Share on Facebook

Tweet

Follow us

Save