Ковачевски: Левица е закана за европскиот пат – Мицкоски е слаб лидер без визија и став

Придобивките од ЕУ се големи и значат сигурна иднина, подобар живот и побогати млади, кои својот живот ќе го градат дома во својата земја и затоа се што правиме денес, правиме за нашите млади утре, порача вечерва на трибината „Силно и одлучно кон иднината“ во Кочани, премиерот и лидер на СДСМ, Димитар Ковачевски.

– Но, на нашиот европскиот пат има голема и реална опасност. Тоа се Левица и Димитар Апасиев. Со опасниот популизам, со својата анти-ЕУ и запалива реторика Левица станува се посилна и повлијателна, истакна Ковачевски.

Тој нагласи дека Левица ги имаат целосно земено како заложници ВМРО-ДПМНЕ и нејизниот лидер Христијан Мицкоски, кој, како што рече, е слаб, без визија и без став.

– Левица со своето дејствување стана десница, а Мицкоски е во паника и само гледа да не заостане зад нив, додаде Ковачевски.

Според него, токму затоа Мицкоски гордо вели дека е континуитет на Ванчо Михајлов и блокира закони во Собранието среде криза и 100 милиони евра помош за државата.

– Мицкоски веќе не гледа што е добро за државата и граѓаните, гледа само како да не заостане зад Апасиев. Ова е реална закана за земјата, да се попречи европскиот план и да се втурне државата во неизвесност и изолација, во внатрешни поделби на народот. Ако тоа се случи, ќе станете со лажно чувство на гордост наутро, но ќе си легнете гласни и сами навечер, непризнаени и осамени. Па погледнете што се случува во Скопје, во главниот град, го заглавија комплетно, потенцира Ковачевски.

Share on Facebook

Tweet

Follow us

Save