INFOMAX.MK

Премиерот Димитар Ковачевски на денешната прес-конференција уште еднаш рече дека го осудува формирањето здруженија што се именуваат по личности поврзани со, како што рече тој – најмрачното минато во Европа – фашистичкиот режим на Хитлер, затоа што ги повредуваат чувствата на македонските граѓани и ги нарушуваат односите со Бугарија.

-Како што го осудив формирањето на здружението во Битола, како што го осудив формирањето на здружението во Охрид, го осудувам и секое друго здружение кое се прави со намера да внесе раздор во односите коишто ги има Македонија и Бугарија, рече Ковачевски одговарајќи на новинарско прашање за информација дека до Централниот регистар е стигнато барање за формирање ново бугарско здружение со име цар Фердинанд.

Според Ковачевски, Македонија веројатно има најлиберален закон за регистрација и основање здруженија на граѓани и организации и дека уште кога се појавило првото здружение со спорно име разговарал со министерот за правда и веќе се подготвува нов закон за здруженија и невладини организации.

Ковачевски дури му посочил на Тупанчески да земе пример од германското законодавство.