Ковачевски: Никогаш повеќе антисемитизам, расизам, ксенофобија! Никогаш повеќе фашизам!

Никогаш повеќе антисемитизам, расизам, ксенофобија! Никогаш повеќе фашизам! – вели во денешната објава на Фејсбук.

Светот има потреба од гласноста на секој од нас, како народи, како држави, како луѓе – што поддржуваме, а што не поддржуваме. Што е правилно, а што погрешно.

Холокаустот не почнал со концентрационите логори, туку почнал со антисемитизам и со ширење говор на омраза по улиците. Затоа мора да покажеме дека сме извлекле поуки од минатото.

Индиферентноста кон екстремизмот е соучесништво и е неприфатлива. Овие вистини посебно, не смеат да подлежат на ревизионизам, тоа е рецепт за повторување на ужасните трагедии како Холокаустот.

Македонија била и е секогаш на вистинската страна на историјата. Сите ние кои во нашата срж го имаме антифашизмот, демократијата, прифаќањето на различностите мора да останеме обединети и повторно на правата страна. За злото никогаш повеќе да не се повтори.- напиша Ковачевски на Фејсбук.

Share on Facebook

Tweet

Follow us

Save