Кои се симтомите на вирусот кој се шири во училишта во неколку европски земји?

На потребата од поголема хигиена пред неколку дена укажа и професорот д-р Нико Беќаровски од Клиниката за токсикологија, кој на Фејсбук објави дека има зголемен број на заболени со вируси, меѓу кои рота и хепатитис А.

Се повеќе европски земји пријавуваат случаи на заразени со вирус, кој го нарекуваат мистериозен, додека експертите, врз основа на симптомите, укажуваат дека се работи за хепатитис.

„Првиот симптом, е жолтата промена на бојата на белката во окото, потоа на кожата, урината е со темна боја ( слична на пивото), столицата е светла, а децата се чувствуваат слаби. Исто така некои имаат и губење на апетит, повраќање, дијареа и треска“,

објаснува РТС д-р Анета Јовановиќ, раководителка на педијатриско одделение и заменик директорка на Здравствениот дом „Палилула“.

Во Србија засега нема ниту еден случај на ваква зараза. Докторката укажува дека родителите треба да ги предупредат децата за хигиена на рацете, како и да ја мијат храната, овошјето и зеленчукот што се консумираат.

Во Загреб веќе два месеца владее епидемија на хепатитис А или заразна жолтица, а најголем број заболени се средношколци.

На потребата од поголема хигиена пред неколку дена укажа и професорот д-р Нико Беќаровски од Клиниката за токсикологија.

„Укинувањето на сите против епидемиски мерки не значи дека треба да престанете да ги миете рацете !!!!!!Амбулантите и Клиниките се преплавени со стомачни вируси (Rotavirus, Picorna, Coxsackie, Hepatitis A) проследени со бројни проливи, стомачни болки, температура, дехидратација, поспаност. Миењето раце и одржувањето на лината хигиена, спасуваат повеќе животи од сите антибиотици заедно !!!!“, напиша докторот на Фејсбук.

Share on Facebook

Tweet

Follow us

Save