Комеморација во Брисел за жртвите од пожарот во Кочани

Вечерва во Брисел се одржа комеморација за жртвите во пожарот во ноќниот клуб во Кочани во организација на здружението „Македониум“ и бриселската Македонска православна црковна општина „Св. Илија – Св. Архангел Михаил“

Присутните им оддадоа почит на загинатите со двоминутен молк. 

На собирот се обрати македонскиот амбасадор во Белгија, Методија Белевски, кој изрази жалење за трагичниот настан и сочувство за жртвите, но и благодарност до Белгија, Луксембург и до Европската Унија за укажаната помош за згрижување на повредени при пожарот.

Белевски воедно им изрази благодарност и на нашите сограѓани во Белгија кои изразија подготвеност и понудија сместување на роднините на повредните млади луѓе кои од денеска се префрлени на лекување во оваа држава и услуги за превод. 

На собирот куси обраќања имаа и грчката амбасадорка во Белгија, Софија Грамата и претставници на „Македониум“ и на српското здружение „Круг“.

На комеморацијата беше поставена и книга на жалост во која присутните изразуваа сочувство за жртвите и солидарност со нивните семејства, а можеа и да донираат парични средства за поддршка на повредените и нивните роднини кои деновиве ќе престојуваат во Белгија. 

Рано изутринава на лекување во Белгија беа пренесени четворица настрадани во пожарот од кои двајца се сместени во болница во Брисел, а по еден во Антверпен и Шарлероа. Тие беа префрлени во Белгија, со посредство на Европската Унија, со специјален авион на Вооружените сили на Романија.    

По повод трагичниот настан во Кочани, во нашата Амбасада во Брисел е отворена книга на жалост во која наши државјани, но и странски граѓани и дипломатски претставници, оставаат пораки за сочувство за жртвите во . Заинтересираните можат да изразат сочувство секој ден во текот на оваа работна недела од 10:00 до 12:00 и од 13:30 до 15:30 часот, освен в петок, кога книгата на жалост ќе биде отворена од 10:00 до 12:00 часот. 

Share on Facebook

Tweet

Follow us

Save