Косово ги повика граѓаните да избегнуваат патувањa во соседна Србија

Министерството за надворешни работи и министерството за внатрешни работи на Косово, ги повикаа сите граѓани да избегнат патување во Србија.

„Министерството за надворешни работи и дијаспора и Министерството за внатрешни работи соопштуваат дека после настанатата ситуација на граничните премини со Србија и самоволно застанување на граѓаните на Косово на нив, сите сонародници и граѓани кои се во движење, да избегнуваат патување во Србија по секоја цена. МНР ги презема сите потребни работи и ќе ве извести околу нови детали“, стои во соопштението на МНР на „Фејсбук“, во кое соопштуваат дека оваа препорака доаѓа после случувањата на ГП Батровци помеѓу Хрватска и Србија неколку косовски автобуси биле спречени од српските гранични власти да влезат во земјата, а истото се случувало и на граничниот премин помеѓу Унгарија и Србија.

Тие ги предупредија граѓаните кои мора да патуваат, да ја следат ситауцијата.

„Се молат сите патници да ја следат напнатата безбедносна ситуација и ако е можно да не патуваат низ Србија. Со оглед дека во оптек се многу лажни вести кои имаат за цел ширење на страв и хаос, пратете ги известувањата од косовската полиција и од најновите официјални ажурирања во тој поглед“, стои во објавата.

Косовските власти сметаат дека ова е одмазничка акција на Србија, откако Косово доби препорака за членство во Советот на Европа.

Share on Facebook

Tweet

Follow us

Save