Кремљ за украинската криза: Светот почнува да разбира – ако има дијалог, постои и можност!

Москва забележува дека се повеќе светски државници зборуваат за дијалогот за Украина бидејќи тоа овозможува да се најде решение, изјави портпаролот на рускиот претседател Дмитриј Песков.

„Гледаме дека се повеќе државници зборуваат за дијалог. Можно е да не се согласуваме за нешто, може да не се согласуваме за многу работи, но ако има дијалог, постои и можност да се најде решение“, изјави Песков за порталот Лајф.

Тој, исто така, рече дека Кремљ се сомнева дека земјите на НАТО ќе ги разгледаат мировните иницијативи на индискиот премиер Нарендра Моди.

„Деновиве се одржува самитот на НАТО. Целата реторика што и претходеше сведочи за фактот дека земјите од Алијансата веројатно нема да ги слушаат мировните иницијативи на Моди. Ќе продолжиме да следиме какви пристапи ќе доминираат на самитот“, изјави портпаролот на Кремљ.

Самитот на НАТО се одржува во Вашингтон од 9 до 11 јули.

Share on Facebook

Tweet

Follow us

Save