Лавров: Русија нема да толерира ултиматуми

Русија нема да толерира ултиматуми на Украина, изјави министерот за надворешни работи Сергеј Лавров по разговорот со казахстанскиот министер за надворешни работи Мухтар Тлеуберди.

Тој истакна дека Москва не добила одговори на своите предлози од Киев.

„Сега тие (преговорите) се заглавени, бидејќи пред пет дена остана неодговорен вториот предлог што го доставивме до украинските преговарачи, кој беше формулиран земајќи ги предвид нивните коментари добиени во тоа време“, рече Лавров.

Според Лавров, кога Владимир Зеленски бил прашан за неговиот однос кон руските иницијативи, тој рекол дека Киев не добил ништо.

Не е мое да судам колку тој ја контролира ситуацијата, туку ова е само карактеристика на процесот наречен „преговори““, додаде министерот.

Тој нагласи дека сега Русија со никого не разговара за безбедносни гаранции за Украина.

Прес-службата на Кремљ денеска одговори на повикот на претседателот на Европскиот совет, Шарл Мишел, да воспостави директен контакт со претседателот на Украина. Прес-службата соопшти дека оваа можност зависи од „конкретни резултати“ во преговорите меѓу двете делегации.

Share on Facebook

Tweet

Follow us

Save