Ливерпул го прегази Манчестер Јунајтед со 7:0

Ливерпул вечерва го декласира Манчестер јунајтед со 7:0 во  натпреварот од 26. коло на англиската фудбалска Премиер лигата. Средбата се одигра на „Енфилд“, а по два гола постигнаа Мохамед Салах, Дарвин Нуњез и Коди Гакпо, еднаш погоди Роберто Фирмино.

Салах стана најдобар стрелец на Ливерпул во англиската Премиер лига. Сега Египќанецот има 129 гола, еден повеќе од Роби Фаулер.

Ливерпул се искачи на петтото место на табелата во Премиер лигата со 42 бода, додека Манчестер јунајтед е трет со 49 бодови.

Поразот 0:7 од Ливерпул е најголемиот пораз на Манчестер јунајтед во последните 92 години и најлошиот резултат на клубот во историјата на Премиер лигата

Воедно, 0:7 е повторување на најлошиот резултат на Манчестер јунајтед во целата историја на клубот. Клубот три пати загубил со 7:0. Од Блекбурн во 1926 година, Астон Вила во 1930 година и Вулверхемптон во 1931 година. 

Share on Facebook

Tweet

Follow us

Save