Англија прва, Данска и Словенија без победа кон осминафинале, Србија заминува дома

Англија со една победа, Данска и Словенија без победа обезбедија пласман во осминафиналето на Еуро 2024. Вечерва во последната рунда од 3. коло во групата „Ц“ и двата меча завршија без постигнат гол.

Англија и Словенија одиграа 0:0 во Келн, а истиот резултат го видовме и на мечот меѓу Данска и Србија во Минхен. Англичаните и Данците за нијанса покажаа подобар фудбал, Словенија го направи она што го посакуваше, само Србија остана со кратки ракави, затоа што не успеа да направи практично ништо за да дојде до посакуван триумф за пласман во следната рунда.

Англичаните како првопласирани од групата заминуваат во нокаут-фазата, со тоа што на три меча оставарија само една победа (две ремија), додека Словенците и Данците со реми ги завршија сите три средби и практично без извојувана победа одат во следната рунда.

Share on Facebook

Tweet

Follow us

Save