Матераци: Овој Интер е подобар од тој што ја освои тројната круна

Легендарниот италијански дефанзивец Марко Матераци направи интересна споредба меѓу актуелниот тим на Интер и оној чиј член беше тој, а кој во 2010 година освои триплета.

Пред 14 години, под водство на Жозе Мурињо, „нераѕурите“ прво ја покорија Италија, а потоа и Европа откако на патот до трофејот ја победија Барселона која тогаш беше во својот зенит и потоа Баерн Минхен во мечот за титулата на „Бернабе“. Матераци, сепак, смета дека овој тим на Интер е подобар од тој.

„Искрено ќе кажам дека овој Интер игра подобро од нас, навистина е задоволстгво да се гледа, а заслуга за тоа има Симоне Инѕаги. Функционираат како семејство што беше основна одлика и на нашиот тим“, рече, меѓу другото, Матераци.

По денешната победа, на гости кај Болоња, Интер има 18 бода предност пред второпласираниот Јувентус со натпревар повеќе, а претстојната недела го игра реваншот против Атлетико во осминафиналето од Лигата на шампионите. Првиот меч во Милано заврши со победа на Интер од 1-0.

Share on Facebook

Tweet

Follow us

Save