Мега пресметка во Париз, ПСЖ ја пречекува Барселона!

Денеска на програмата се преостанатите два четвртфинални дуели, очите ќе бидат вперени во Париз каде ПСЖ ќе биде домаќин на Барселона, а во Мадрид, Атлетико ја пречекува Борусија Дортмунд.

Синоќешните мечеви од Лигата на шампионите понудија големи возбудувања, но тие се веќе минато, пред нас се два нови дуели.

Поранешниот тренер на Барселона, Луис Енрике ќе излезе на мегдан против „своите“, како тренер на ПСЖ ќе се обиде да го елиминира каталонскиот тим.

Барселона имаше променлива сезона, но во изминатите натпревари влезе во солидна форма. Се вратија и дел од повредените фудбалери, па ситуацијата за Чави е значително подобрена.

Мбапе е на излезна врата од ПСЖ, за него ова ќе биде последната сезона во која ќе се обиде да дојде до трофејот од Лигата на шампионите со францускиот тим.

Атлетико Мадрид на Ванда Метрополитано ја пречекува екипата на Борусија Дортмунд. Тимот на Симеоне по одличното издание против Интер со зголемена самодоверба ќе влезе во вечерашниот меч.

Борусија Дортмунд загуби во последното коло од Бундеслигата и излезе од топ 4 позициите, но Лигата на шампионите е друго натпреварување, германскиот тим ќе се обиде да си замине со позитивен резултат од Мадрид.

Share on Facebook

Tweet

Follow us

Save