ВМРО-ДПМНЕ денес слави четири години лаги со приказна “допрва ќе работиме

ВМРО-ДПМНЕ денес слави четири години лаги со приказна “допрва ќе работиме” – соопштија денеска од СДСМ како реакција на говорот на Христијан Мицкоски на прославата на роденденот на партијата.

– Единствено што може да каже ВМРО-ДПМНЕ од прославата на нивниот роденден од археолошкиот локалитет „Хераклеја“ во Битола е да промовираат нов концепт на презентација на лагите.

По четири години локална власт и цела година централна власт, се што може ВМРО-ДПМНЕ е да каже е содржано во нивниот нов слоган „Најдоброто допрва доаѓа“.

Прашањето е, што чекаа до сега?
Дали досега крадеа и ги полнеа своите џебови, а сега пак нудат нова лага за наводни проекти кои „Допрва ќе дојдат“?

По четири години апсолутна власт во локалната самоуправа, ВМРО-ДПМНЕ нема проект со кој. може да се пофали. Дури и археолошкиот локалитет „Хераклеја“ во Битола е целосно запустен, оставен на забот на времето. Освен она што СДСМ го направи нема ништо направено, ниту во однос на патот до „Хераклеја“, со години не е исчистено околу објектот, се распаѓаат содржините кој треба да се магнет за туристите.

ВМРО-ДПМНЕ е само група на манипулатори на кои секоја незавршена работа ја оправдуваат со тоа „допрва доаѓа доброто“, иако ништо не ги спречило да направат добро да биде и сега, велат од СДСМ.

Share on Facebook

Tweet

Follow us

Save