Медведев збесна: Тенисот е го*нарски спорт!

Данил Медведев, не успеа да стигне до трофејот на турнирот во Индијан Велс, единствениот од мастерс-серијата на кој досега не победил, откако ноќеска загуби во големото финале против Карлос Алкараз (6-7, 1-6).

Рускиот тенисер во еден момент во вториот сет буквално збесна, поради незадоволство од застарената технологија, па по средбата имаше вулгарни зборови за „белиот спорт“.

„Постојат работи во тенисот кои се застарени. Сега нема линиски судии и знам дека топката е добра, имаме систем кој следи во живо. Но, бев во фазон – дај покажи ми, само покажи ми. Судијата може да ми покаже на ‘ајпадот’, но мислам на тоа што не може да ми врати неколку удари поназад. Во 2024 година сме, луѓето одат во вселената. На телефон ми излегуваат работи за кои говорам со пријателите, а не може судијата да ми покаже трага од пред три удари? Не барам нешто посебно“, изјави Медведев.

Share on Facebook

Tweet

Follow us

Save