INFOMAX.MK

НАТО не му е потребен на цивилизираниот свет, организацијата треба да се покае пред човештвото и да се распушти како криминален субјект, изјави заменик-претседателот на Советот за безбедност на Русија, Дмитриј Медведев.

Тој додаде дека дури и pontifex maximus (највисоката свештеничка функција во Римската Република) не може да им ги прости гревовите. Тој посочи дека НАТО секогаш заборава на државните удари што ги прави таа организација во суверени држави ширум светот.

„Од моментот на своето формирање, НАТО постојано ја докажа својата исклучително затворена корпоративна суштина, дејствувајќи во интерес на неколку англосаксонски држави и нивните потчинети. Во исто време, не повеќе од 12 отсто од светското население живее во земјите на НАТО“, напиша Медведев на каналот Телеграм.

Тој, исто така, предупреди дека во случај Алијансата да испрати системи Патриот во Украина, како и персонал на НАТО – тие веднаш ќе станат легитимна цел на руските вооружени сили.