Мигрант од Конго пронајден мртов во Лојане: Не се пронајдени траги од насилство

Државјанин на Република Конго е пронајден мртов во дворно место на верски објект во липковското село Лојане, соопшти денеска кумановската полиција. Лекар констатирал смрт без насилство на телото на починатото лице.

– Вчера во 06:00 часот во Полициското одделение Матејче било пријавено дека во дворно место на верски објект во село Лојане било пронајдено починато лице-мигрант. Лекар од Итната медицинска помош констатирал смрт без траги на насилство. Од извршениот увид од страна на полициски екипи од СВР Куманово утврдено е дека станува збор за Б.К.(41) од Република Конго – соопштија од полицијата.

По насока на јавен обвинител телото на починатиот е предадено за погреб.

Share on Facebook

Tweet

Follow us

Save