Мириса на нова војна: САД одобри 4,5 милијарди долари воена помош за Тајван

Американските сенатори поднесоа предлог-закон за обезбедување воена помош од 4,5 милијарди долари за Тајван во следните четири години, според материјалите објавени во петокот од страна на Комитетот за надворешни односи на Горниот дом на САД.

Иницијативата за безбедносна поддршка на Тајван одобрува 4,5 милијарди долари странски воени средства во текот на четири години и дава приоритет на барањата на Тајван за поддршка.

Покрај средствата за зајакнување на одбранбените капацитети на островот, нацрт-законот предвидува поддршка на Тајван во учеството во меѓународните организации, зајакнување на трговските врски и признавање како главен сојузник надвор од НАТО. Исто така, се очекува да воведе економски санкции против Кина во случај на нејзини непријателски дејствија против Тајван.

Актот за политика на Тајван од 2022 година беше спонзориран од демократскиот сенатор Роберт Менендез и членот на републиканскиот комитет Линдзи Греам.

„Актот за политика на Тајван од 2022 година е фундаментална изјава за апсолутната посветеност на Соединетите Држави да останат со Тајван и сите кои ги споделуваат нашите интереси и вредности наспроти воените, економските и политичките закани од Пекинг“, рече Менендез.

Греам, пак, истакна дека предлог-законот претставува најголемо зајакнување на билатералните односи меѓу САД и Тајван во воена и економска насока во последните децении.

Во јуни, кинескиот министер за одбрана Веи Фенгхе рече дека Кина ќе се бори по секоја цена до самиот крај за да се спротивстави на обидите за одвојување на Тајван од Кина.
САД официјално не ја признаваат независноста на Тајван, но му даваат воена поддршка.
Официјалните односи меѓу централната влада на НР Кина и нејзината островска провинција беа прекинати во 1949 година, откако силите на Куоминтанг предводени од Чианг Кај Шек, поразени во граѓанската војна со Кинеската комунистичка партија, се преселија во Тајван.

Деловните и неформалните контакти меѓу островот и континентална Кина беа обновени кон крајот на 1980-тите. Од раните 1990-ти, страните почнаа да контактираат преку невладини организации – Пекингската асоцијација за развој на односи преку Тајванскиот теснец и Фондацијата за размена на теснец од Тајпеј.

Share on Facebook

Tweet

Follow us

Save