Мистериозна смрт: Пронајдени мртви директорката на руска државна телевизија и нејзиниот поранешен сопруг

Главниот уредник на руската државна телевизија Кубан, Зоја Коновалова (48) е пронајдена мртва во нејзината спална соба, додека телото на нејзиниот поранешен сопруг Андреј Губатика (52) е пронајдено во близина. Телата на Коновалова и нејзиниот поранешен сопруг беа пронајдени во семејната куќа во Краснодар во саботата.

-При прегледот на телото не се констатирани видливи повреди, изјави портпаролот на Рускиот истражен комитет.

Двојката имала малолетна ќерка и возрасен син.

-Прелиминарната причина за смртта е труење од непозната супстанца, јавува ТВ Кубан.

Медиумите јавуваат дека во куќата во Краснодар била пронајдена полимерна кеса со „прашкаста материја“, додека колегите и пријателите на Коновалова инсистираат новинарката никогаш да не се дрогира.

Се верува дека мажот и жената биле мртви најмалку 24 часа пред да бидат откриени нивните тела.

ТВ-компанијата Кубан е дел од државниот гигант Серуската државна телевизија и радио радиодифузна компанија VGTRĘ.

Share on Facebook

Tweet

Follow us

Save