Момче од Скопје останало без пари, злато и мобилен телефон – полицијата приведе едно лице

Полициските службеници лишиле од слобода едно лице, вработено во телекомуникациски оператор кое се сомничи дека било вклучено во извршување на кривично дело.

Министерството за внатрешни работи информираше дека по преземени мерки и активности, полициски службеници од Одделението за насилен криминал во Единицата за насилен криминал при СВР Скопје, денеска (14.10.2023), го лишиле од слобода В.К.(31) од Скопје поради сомнение дека е соизвршител во кривично дело изнуда.

Имено, В.Н.(20) од скопско пријавил дека на 13.10.2023 на подрачје на Кисела Вода, И.Ј. од Скопје, кого го познавал, со употреба на сила го внел во неговото возило и со закани од неговиот дом одзел пари и злато, по што му договорил средба со приведениот, вработен во мобилен оператор, да му земе мобилен телефон.

По целосно документирање на случајот, во координација со јавен обвинител, ќе биде поднесена соодветна пријава.

Share on Facebook

Tweet

Follow us

Save