Навални почина од тромбоза, тврди шефот на украинската разузнавачка служба
Кирил Буданов, шефот на украинската разузнавачка служба денеска изјави дека рускиот опозициски лидер Алексеј Навални починал од природна смрт, поточно од згрутчување на крвта, пренесува „Украинска правда“.
„Можеби ќе ве разочарам, но знаеме дека починал од згрутчување на крвта . Тоа е горе-долу потврдено. Ова не е преземено од Интернет, но, за жал, тоа е природна смрт“, рече Буданов.
Тој исто така изјави дека стабилниот режим во Русија претставува закана за Украина и за светот и дека Украина ќе продолжи да спроведува операции на руска територија.
„Се додека сме во војна , ќе има проблеми во Руската Федерација“, додаде Буданов.
Покрај тоа, тој најави нови напади врз руските воени бази на привремено окупираниот Крим.
„Нови изненадувања ги очекуваат нашите непријатели и не би им препорачал на цивилното население користење на таканаречениот Кримски мост “, напиша Буданов на Телеграм.
ПОВРЗАНИ ВЕСТИ
Апел за помош: Алексеј има само три…
Почитувани читатели на Инфомакс, ве замолуваме доколку…
Навални се пренесува во друг затвор
Рускиот опозициски лидер Алексеј Навални е префрлен…
Навални: Ми се закануваат уште 15 години…
Рускиот опозиционер Алексеј Навални изјави дека против…