Наједноставен и најбрз рецепт: Пица од тортиља готова за само 10 минути

Ви се јаде пица, но не сакате да чекате достава, а не сте расположени ни да месите тесто? Постои брз и едноставен начин да ја исполните желбата – направете ја на тортиља.

Она што ви е потребно се тортиљи на кои ќе го ставите филот и сè заедно ќе испечете во рерна. Оваа генијална идеја ги воодушеви сите кои ја испробале, а станува збор за наједноставната и најбрза пица која некогаш сте ја подготвиле.

Потребни состојки:
– 1 голема тортиља (интегрална или пченкарна)

– пасирани домати или доматно пире, кашкавал, шунка, свеж босилек, маслинки…

Сè што треба да направите е да поставите една тортиља на хартија за печење, а на неа да ги наредите состојките кои обично ги ставате на пица како доматно пире, шунка, кашкавал, маслинки…

Печете на 160 степени околу 10-тина минути додека тортиљата не порумени и кашкавалот не се растопи. Послужете ја со свеж босилек и уживајте во малку поинаквата, но подеднакво вкусна пица.

Share on Facebook

Tweet

Follow us

Save