Најмалку осум лица, меѓу кои и деца, загинаа во нападот врз Киев

 Украинскиот претседател Володимир Зеленски изјави дека најмалку осум лица загинале во руски ракетен напад во Киев синоќа, вклучувајќи и едно дете.

Зеленски изјави на X дека тимовите за итни интервенции моментално ги расчистуваат урнатините на станбена зграда, додека потрагата по евентуални преживеани продолжува.

„Ова е уште еден масовен напад врз нашите градови и заедници. За жал, веќе е потврдено дека најмалку осум лица се убиени, а десетици се повредени. Луѓето може сè уште да бидат заробени под урнатините“, пренесува Укринформ.

Украинскиот претседател остро ја критикуваше Русија за продолжување на нападот, тврдејќи дека „Русија избира балистика наместо преговарачка маса“ и дека „продолжува да убива наместо да ја прекинува војната“.

Во нападот беа погодени повеќе од 20 локации во различни делови на Киев, вклучувајќи ги областите Дарнички, Днепровски, Соломјански, Шевченковски, Голосеевски, Оболонски и Десњански.
Најголема штета е регистрирана во станбени згради во регионите Дарница и Днепар.

Во областа Дарница, дел од покривот на петкатна зграда беше уништен и во тек е спасувачка операција.
Оштетени се и станбени згради со девет и 16 ката, приватни куќи, паркинг и градинка.

Share on Facebook

Tweet

Follow us

Save