На кој му текна ова?! Пожарот е активен, ама тие што треба да го гаснат се повлечени во 17 часот?!

Регионалниот ЦУК Штип, известува дека според добиените информации во 17.00 часот се повлечени сите учесници во гасењето на пожарот во Штип што е се уште активен на потегот од кај с. Драгоево кон с. Селце каде што беа ангажирани ПП силите.
Кај с. Селце мв „Шеоба“, беа ангажирани:
ТППЕ Штип со 4 пожарникари со 1 ПП возило,
РЦУК Штип со 1 вработен (раководител) со 1 теренско возило,
ЈПНШ – ЈП Серта со 3 вработени со 1 теренско возило и
1 лице мештанин од с. Селце.

Кракот од мв Шеоба кон с. Селце е намален, но се уште гори, поради непристапен терен гасењето се одвива тешко.

Кај с. Драгоево мв Штркалево:
ТППЕ Штип со 6 пожарникари, 1 ПП цистерна и 1 ППмв,
АРМ со 32 војници,
1 лице мештанин од с. Драгоево со цистерна на трактор.

Кракот што се ширел од мв Штркалево кон с. Драгоево е локализиран, додека на стариот пат од мв „Штркалево“ кон Неготино пожарот се разгорува и покрај патот кон армискиот полигонот на Криволак. Во текот на денот на пожарот кај с. Селце и с. Драгоево 5 „ер трактори“ интервенирале по 7 пати, а хрватскиот „канадер“ 6 пати. На другата страна од овој пожар кај Пепелиште доаѓа до ширење кон тромеѓето на опшините Конче, Штип и Неготино и ги загрозува селата Пиперово (Штип и Гарван и Загорци (Конче). Овој пожар се шири (од двете страни) покрај патот Штип – Неготино.

Монтажните базени за полнење вода кои биле стационирани кај с. Софилари во 15.00 ч. се преместени на друга локација.

Пожарот на градската депонија во Делчево што започнал на ден 14.07.2024 година е се уште активен, односно дека тлее, гори во внатрешноста на депонијата. Во текот на денешниот ден 4 вработени од ЈКП, со 2 машини повторно вршеле затрупување на депонијата со песок.

Share on Facebook

Tweet

Follow us

Save