Нови жртви од поплави и лизгање на земјиштето во Кина, десетици илјади луѓе евакуирани

Најмалку две лица загинаа, а десетици илјади луѓе се евакуирани од своите домови во југозападна Кина по обилните врнежи од дожд и лизгање на земјиштето, јавија денеска кинеските медиуми.

Најмалку 16 лица исчезнаа во лизгање на земјиштето во западниот дел на земјата.

Секоја година делови од Кина се погодени од поројни дождови и поплави, но оваа година во некои области беше исклучително влажна, додека други региони се борат со суша.

На периферијата на градот Ксиан, најмалку две лица загинаа во лизгање на земјиштето, јави агенцијата Ксинхуа, додавајќи дека потрагата по преживеани е во тек.

Оштетени се патишта, мостови и далноводи.

На југозапад, околу 81.000 луѓе беа евакуирани во провинцијата Сечуан.

Сообраќајот во тој дел на Кина е во прекин, но нема информации за жртви.

Повеќе од 20 поаѓања на возови беа откажани во и околу најголемиот град на североистокот, Шенјанг, објави државната телевизија.

Министерството за вонредни ситуации соопшти дека во јули во Кина во поплави, лизгање на земјиште и планински порои загинале 142 лица. Само во Пекинг се регистрирани 33 жртви.

Share on Facebook

Tweet

Follow us

Save