INFOMAX.MK

Во октомври, Новата српска политичка мисла спроведе истражување на јавното мислење на примерок од 1.000 испитаници, а темите што беа опфатени, меѓу другото, беа влезот на Србија во Европската унија, односот со Русија, Кина и земјите од БРИКС, конфликт меѓу Израел и Хамас, како и позицијата на Србија и Србите на Косово.

Дури 41,2 отсто од испитаниците поддржуваат воспоставување на најсилни врски со Русија, Кина и земјите од БРИКС.
25,9 отсто од граѓаните воопшто не го поддржуваат влезот на Србија во Европската унија, а 20,7 отсто се оние кои целосно го поддржуваат ова прашање. „Повеќе да отколку не“ велат дека за ЕУ се изјасниле 18,5 отсто од испитаниците, а „повеќе не од да“ 25,2 отсто од српските граѓани кои учествувале во ова истражување.

На прашањето „Дали мислите дека позицијата на Србија и на Србите на Косово и Метохија денес е посилна или послаба од пред доаѓањето на оваа влада?“, 50,4 отсто од граѓаните сметаат дека позицијата е послаба денеска, 14,2 отсто сметаат дека позицијата е „посилна“, 10,2 отсто сметаат дека позицијата е „иста“, додека 25,2 отсто немаат мислење.

За прашањето за израелско-палестинскиот конфликт, 41,4 отсто од испитаниците немаат мислење, а 36,6 отсто од учесниците во истражувањето на НСПМ не поддржуваат ниту една страна. 11 отсто од анкетираните граѓани го поддржуваат Израел, додека исто толку испитаници ја поддржуваат палестинската страна.