Обилните дождови предизвикаа поплави на Сицилија

Обилните дождови денеска предизвикаа поплави во околината на градот Катанија на Сицилија. Во гратчето Торе Аркирафи водата ги поплави улиците и влече автомобили во морето, јави италијанската агенција Анса.

Локалните жители испратија повеќе од 30 барања за помош до службите за итни случаи.

Пожарникарите спасија голем број возачи заробени во нивните автомобили, а нема извештаи за исчезнати лица.

Италија оваа година се соочи со повеќекратни бранови на екстремни временски услови поради климатските промени.

Интензивни топлотни бранови и екстремни суши го погодија југот на земјата ова лето, особено Сицилија и Сардинија, додека обилните врнежи доведоа до поплави во регионите Пиемонт, Емилија-Ромања и Марке.

Share on Facebook

Tweet

Follow us

Save