Одрони пред Делчево, магла на Плетвар и Ѓавато

АМСМ соопшти дека на два километра пред Делчево, поради одрони на патот сообраќајот се одвива наизменично по една коловозна лента. Намалена видливост поради појава на магла има на планинските превои Плетвар 80 метри и на Ѓавато до 60 метри.

Сообраќајот кон Пониква и кон с. Бели се одвива непречено, по една коловозна лента. Најавено дека единствено ќе бидат пропуштени возила од КЈП Водовод Кочани до депонијата, но не и возила од други општини.

Сообраќајот на останатите државни патишта се одвива непречено, по претежно по влажни коловози. Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Од денеска почнува законската обврска за задолжително поседување на зимска опрема во возилата, без оглед на моменталната временска состојба. Оваа обврска ќе трае до 15.март 2025 година.

Share on Facebook

Tweet

Follow us

Save