Османи со коментар откако Македонија се најде на руската листа на непријателски држави

Министерот за надворешни работи Бујар Османи истакна дека не е официјално се информирани за руската листа на непријателски држави во кои стои името на нашата земја.

Нашата позиција во контекст на оваа агресија е јасно искажана и ние ќе се придружиме на сите одлуки на ЕУ – кажа Османи.

Владата на Руската федерација ја одобри листата на странски земји и територии кои преземаат непријателски дејствија кон Русија, на листата се наоѓа и Македонија.

Владата одобри список на странски земји и територии кои вршат непријателски дејствија против Русија, руските компании и граѓани. Наредбата за тоа е потпишана – соопшти прес-службата на Кабинетот на министри.

На списокот се Австралија, Андора, Албанија, Велика Британија, земји-членки на ЕУ, Исланд, Канада, Лихтенштајн, Македонија, Микронезија, Монако, Нов Зеланд, Норвешка, Јужна Кореја, Сан Марино, Сингапур, САД, Тајван, Украина, Црна Гора, Швајцарија, Јапонија.

Земјите споменати на оваа листа наметнаа санкции или се приклучија на санкциите против Русија по почетокот руската инвазија на Украина.

Share on Facebook

Tweet

Follow us

Save