INFOMAX.MK

В.д директорт на Управата за извршување на санкции, Александар Пандов, денеска до Основното јавно обвинителство во Скопје доставил информации во врска со индиции за незаконито работење во затворот Скопје, поточно во истражниот затвор Шутка. Ова за Инфомакс го потврди Пандов кој истакна дека до МВР и ОЈО се доставени сите информации со кои во моментов се располага.

– После извршена вонредна контрола во затворот во Шутка, не е констатиран само недостаток на затвореници туку таму се појавуваат и неправилности во целото работење. Ние како Управа, сите собрани докази, изјави од затворска полиција и од затвореници ги доставивме до МВР и ОЈО. Тука нашата истрага не завршува, таму има сега нов директор кој сега ќе се вклучи во расчистување на сите неправилности и криминали направени во затворот, но во понатамошната истрага ќе бидат вклучени и МВР И ОЈО, а ОЈО има право да повикува да се дадат изјави и слично.

Кога ќе се комплетира материјалот, јас сум сигурен дека ќе се поднесе кривична пријава, не само против Филип Андов, туку и против останати лица, истакна Пандов кој вели дека биле констатирани неправилности во набавките, делот со кантината и слично, што ќе може да се утврди кога ќе влезат вешти лица и подетално ќе ја разглобат целата работа.