Панова: Во Собранието се уште не е доставен предлог законот за намалување на акцизата и ДДВ кои веќе поминаа на Владата

За кого ли се грижи Владата ДУИ и СДСМ кога ги жртвува граѓаните?, ова денеска преку изјава за медиумите го прашува Ели Панова од ВМРО-ДПМНЕ.

-За само 2 дена, цената на горивата е драстично зголемена. Цената на бензинот е зголемена за 11 денари, а на дизелот за 18.5 денари. Во Собранието се уште не е доставен предлог законот за намалување на акцизата и ДДВ кои веќе поминаа на Влада. Па се поставува прашањето, кои ли тоа треба да книжи огромен профит додека Владата очигледно, тенденциозно остава простор. Само неграѓанска и ненародна Влада, во време на најголема криза потпомага одржување на високи цени на горивата. Одлуката на Влада која е насока на намалување на акцизата, а се уште не доставена до Собранието, не е ниту целосна и ваква каква што е нема значително да влијае на цената на горивата и новите покачувања, вели Панова.

Таа додава дека затоа, ВМРО-ДПМНЕ го повикува владеачкото мнозинство, да не трча по гол популизам кои народот и така повеќе не им го купува и во вторник на 15.03 кога на дневен ред се предлог законот на ВМРО-ДПМНЕ за намалување на ДДВ на прехранбените продукти од 5% на 0% и предлог законот на ВМРО-ДПМНЕ за намалување на акцизата на горивата за 50% да ги поддржи и заедно да изгласаме вистинско намалување, кое ќе има реален ефект врз цената на горивата и храната.

-Упатуваме уште еден апел до парламентарното мнозинство да ги поддржи предлог законите на ВМРО-ДПМНЕ и да не брза со одлуки и законски решенија само за создавање дневна политичка корист. Законите треба да се носат за граѓаните, а не за профит на вашата ненародна власт, рече Панова.

Share on Facebook

Tweet

Follow us

Save