Повик за целосна блокада на Белград од утре

Граѓанските блокади продолжија и денес во Белград. Во текот на изминатата вечер и ноќ, студенти и граѓани повторно беа приведени, а полицијата ги разби блокадите. Како што е објавено, низ цела Србија беа приведени 79 лица, пренесува Н1 телевизија.

Во инцидентот на Правниот факултет, кога полицијата ги нападна студентите кои мирно седеа на клупа, четири лица беа повредени и пренесени во Воено-медицинската академија, а едно од нив имаше скршена клучна коска. Студентите велат дека станува збор за невидена репресија и најавуваат дека во петок – Белград ќе биде во застој.

Блокирани се бројни улици во Белград, Нови Сад, Ваљево, Ниш и други градови. Блокадите се одвиваат мирно.

Студентите во блокадата ги повикаа граѓаните на Белград да го блокираат целиот град во петок од 7 часот наутро.

„Сите на улица. Белград ќе биде во застој утре. Повикуваме на целосна блокада на Белград во 7 часот наутро, како одговор на полициската бруталност. Ова е јавен повик до граѓаните, моторџиите, ветераните, таксистите, земјоделците“, наведоа тие во повикот.

Народниот правобранител денес објави дека четворица од 13-те српски државјани уапсени за време на блокадите и испрашувани во полициските станици претрпеле некаков вид физичко насилство.

Народниот правобранител, во извршувањето на задачите на Националниот механизам за спречување на тортура, ги посети граѓаните кои беа уапсени за време на јавни собири во Белград во последните денови, како и граѓаните кои беа уапсени минатата недела под сомнение за сторено кривично дело подготовка на дело против уставниот поредок и безбедноста на Србија.

Основниот суд во Нови Сад објави дека на 2 јули, српското Министерство за правда му ја доставило на овој суд одлуката на претседателот на Република Србија, Александар Вучиќ, за помилување, со која четворица обвинети активисти на Српската напредна партија кои се товарат за напад на студенти, вклучително и кршење на вилицата на студент во ноќта помеѓу 27 и 28 јануари – се ослободени од кривично гонење за неколку насилни кривични дела.

Share on Facebook

Tweet

Follow us

Save