INFOMAX.MK

Регионалниот ЦУК Велес, известува дека шумски пожар на планината Голешница на Врвот Лисец – помеѓу с. Г. Јаболчиште и Дреново во Општина Чашка повторно е активен. Се наоѓа на многу висок и непристапен терен – каде што не може да се дејствува од земја поради густата и висока вегетација.
Пожарот што во текот на вчерашниот ден префрли од с. Слепче во Општина Прилеп кон с.Габровник во Општина Чашка на планината Бабуна. Според информацијта добиена од ЈП Национални шуми „Бабуна“ од Велес пожарот од страната на с.Габровник е ставен под контрола, интервенираа 6 варботени од подружницата, додека од страна на с.Мокрени, место викано „Мокренски Јазик“, пожарот е активен, а истиот е приземен пожар при што горат паднатите лисја.

Во 12:20 часот започнат е пожар на отворен простор во атарот на с.Сирково во Општина Росоман. Пожарот е на тешко пристапен терен и се ширирел во повеќе правци, од коишто еден кон Подлес во Општина Градско. Гори ниска вегетација, сува трава и нискостеблеста шума, зафатена е голема површина. Во текот на денот интервенирале: ТППЕ Кавадарци со 7 пожарникари и 3 ПП Возила, ТППЕ Велес со 5 пожарникари и 1 ПП возило, 3 цистерни и 1 булдожер од ЈП „Комуналец“ Кавадарци, месно население и механизација од месното население. На пожарот во неколку налети дејствуваа и двата ер-трактори на Република Турција и еден канадер на Република Хрватска.
Активни пожари на територијата на Општина Неготино се над воениот АБХ полигон во правец на „Штипско рамниште“ на планината Серта во места викани („Бин Курија“, „Врчидол“, „Вршникот“) и во атарот на село Калањево на место викано Дуњица на непристапен терен и Длабоки дол. Според информациите од терен состојбата и на двата активни пожара е алармантна. Гори нискостеблеста шума, сува трева и грмушки.
Во текот на денот интервенирале.

Ангажирани локални ресурси од страна на Кризниот штаб Неготино се:
-ТППЕ Неготино 10 пожарникари со 2 цистерни и 1 џип
-ЈП Комуналец Неготино 7 вработени со 2 цистерни
-Ловно друштво Вардар Неготино со 10 лица
ЈП Комуналец Кавадарци 3 вработени со 2 цистерни
-ЈП Македонија пат со 15 вработени, 1 грејдер, 1 скип, 10 моторни пили и 1 гасеничар
-приватен сектор со 2 трактор цистерни
-Полициска станица Неготино 10 вработени со 1 дрон
-Национални шуми Демир Капија 10 вработени,1 џип и 1 цистерна

Силите се распоредени на двата пожари.
Во гаснењето кај Калањево беше вклучен еден хеликоптер.
На пожарот над воениот АБХ полигон на планината Серта од географската страна на Општина Неготино, немаше гаснење од воздух.