Повторно локaлни избори во Маврово-Ростуше и Центар Жупа

t

На 17 април ќе се одржат избори за градоначалници на општините Маврово и Ростуше и на Центар Жупа. Денеска претседателот на Собранието на Македонија, Талат Џафери го потпиша решението за распишување на избори за градоначалник на овие две општини од западниот дел на Македонија. Решението ќе го спроведат Државната изборна комисија, општинските изборни комисии и избирачките одбори, а влегува во сила со денот на објавување во Службен весник, се вели во соопштението од кабинетот на претседателот на Собранието на Македонија.

Во овие две општини минатата година не беше исполнет законскиот услов за излезност од најмалку 33 отсто од запишаните гласачи, поради што не беа избрани градоначалници. Со одлука на Владата привремено беше продолжен мандатот на актуелните градоначалници како владини повереници за Медат Куртовски од СДСМ во Маврово и Ростуше, а на Аријан Ибраин од Демократската партија на Турците во Центар Жупа.

И двете општини имаат огромен број печалбари, главно во Италија и во Германија, како и во други европски земји. Економската криза, ковид-пандемијата, стравот да не се загубат работните места и загрозената егзистенција, се наведуваат како главни причини што печалбарите не се вратија во своите села за да гласаат.

Градоначалникот на Општината Маврово-Ростуше Медат Куртовски тогаш беше песимист дека ќе се завршат изборите за градоначалник доколку гласаат само тие што се присутни во реканскиот крај.

Според неговата проценка, на гласање излегле околу 80 проценти од граѓаните кои биле присутни во селата, но дека поголемиот број од полнолетните се во странство заради заработувачка.

Пред пандемијата дијаспората доаѓала со автобуси на гласање и имало доволен број на гласачи за регуларен избор на нови локални власти.

Инаку, според податоците објавени од Државната изборна комисија, во Маврово и Ростуше во првиот круг на гласање излегле 31 процент од гласачите, а во Ценгтар Жупа 25,6 проценти.

ПОВРЗАНИ ВЕСТИ

На изборите во Косово право на глас…

Централната изборна комисија на Косово денеска го…

ИМ СТАВАЛЕ ШАЈКИ ПОД НОКТИТЕ И ГИ…

На денешен ден пред 82 година во…

Мицкоски: Жестоко ќе реагираме ако повторно има…

Премиерот Христијан Мицкоски соопшти дека преку Државниот…

Режимот дефинитивно се враќа, Мицкоски сака да…

Режимот дефинитивно се враќа. Најавите на Мицкоски…

Јалови се обидите на ВМРО-ДПМНЕ да ја…

„Цели 20 дена Тошковски не знае каде…