„Погрешив во проценката, Миовски може да игра за Селтик или Ренџерс“

Поранешниот фудбалер кој сега е фудбалски критичар, Бери Фергусон призна дека погрешил кога претходно рекол дека Бојан Миовски нема квалитет за да игра во Селтик или Ренџерс.

Фергусон е поранешен играч на Глазгов Ренџерс и шкотски репрезентативец. Тој лани рече дека Бојан Миовски нема квалитет да игра за Селтик или Ренџерс, сега се извини за својата лоша проценка.

„Погрешив кога реков дека Миовски не е доволно добар. Навистина ми се допаѓа. Има одлични движења и брилијантен финиш. Тој е целосен фудбалер. Претходно не бев сигурен во него, но тој е голгетер каков што тешко се наоѓа“, вели Бери Фергусон.

„Покажа дека е доволно добар за да игра во Селтик или Ренџерс. 11 голови за тимот на Абердин кој се мачи оваа сезона, тоа е импресивно“.

„Тој исто така е и репрезентативец. Не гледам причина зошто Селтик или Ренџерс да не погледнат кон играчите кои играат во шкотското првенство“.

Share on Facebook

Tweet

Follow us

Save