Поднесени 107 пријави за пензионер од Неготино – преку видео на социјална мрежа навредувал цело село

t

Пензионер преку видео навредувал цело неготинско село. Таква пријава поднеле 107 жители од Криволак против 67-годишниот Љ.Т. од Неготино, обвинувајќи го дека на социјална мрежа објавил видео со „невистини и навреди на национална основа во врска со изборниот процес“.

„Тој на 20 октомври преку личен профил и профил кој го управува на социјална мрежа, објавил видео во кое употребил погрден и навредлив израз за лица од село Криволак, повикувајќи на дискриминација и ускратување на изборното право на група граѓани по етничка основа. На 21 октомври во ОВР Неготино се примени три пријави, а потоа и на 24 октомври од страна на 107 жители на село Криволак, неготинско, писмено е пријавено, дека Љ.Т. на социјална мрежа објавил видео, кое било јавно достапно, а во кое изнел невистини и навреди на национална основа во врска со изборниот процес“, појаснија од СВР Велес.

Пријавата е испратена до ОЈО Кавадарци, а 67-годишникот се товари за „ширење на расистички и ксенофобичен материјал по пат на компјутерски систем“, предвидено во член 394-г став 2 во врска со став 1 од Кривичниот законик.

ПОВРЗАНИ ВЕСТИ

Хрватска ги запира преговорите на Црна Гора…

Хрватска не сака прашањето за разграничување на…

Поради силен ветер: На неколку патни правци…

ЈП „Македонијапат“ вечерва информира дека поради силен…

Силен ветер со брзина над 80 километри…

Управата за хидрометеоролошки работи најавува силен југозападен…

Трамп им се јави на европските лидери…

Претседателот на САД, Доналд Трамп, преку телефон…