Полицаец малтретирал маж во пехчевско – Поднесена е кривична пријава
![t](https://infomax.mk/wp-content/uploads/2022/05/policaec-1.jpg)
Одделот за внатрешна контрола, криминалистички истраги и професионални стандарди при Министерството за внатрешни работи до надлежното Основно јавно обвинителство, поднесе кривична пријава против Б.Б., полициски службеник во Полициската станица за граничен надзор Пехчево при Регионалниот центар за гранични работи Исток, поради постоење основи на сомнение за сторено кривично дело „малтретирање во вршење на службата” по член 143 од Кривичниот законик.
Имено, на 13.04.2024, при преземање службени дејствија, пријавениот неовластено и прекумерно употребил физичка сила и извршил физичко насилство врз машко лице од с.Чифлик, пехчевско, при што со гумена палка-пендрек му нанел телесна повреда.
Одделот за внатрешна контрола, криминалистички истраги и професионални стандарди ќе поднесе и предлог за поведување постапка за утврдување на дисциплинска одговорност и Б.Б. ќе биде суспендиран од работното место до завршување на постапката и ќе му биде одземено службеното оружје и муниција.
ПОВРЗАНИ ВЕСТИ
Апокалиптични сцени! Повторно е критично во Пехчево,…
Нов повик за вклучување на доброволци во…
Локализиран е пожарот кај Пехчево
Локализиран големиот пожар кој вчера избувна над…
(Видео) Пијан полицаец направи хаос во Варшава
Маж, за кој подоцна беше утврдено дека…
Детска клиника: Се формира комисија по обвинувањата…
Директорот на Клиниката за детски болести, д-р…
Товарно возило прегазило пешак во Пехчево
На 01.06.2024 во 07.40 часот било пријавено…